Ruta PR-G 147

O sendeiro é circular de 19km, de dificultade media debido ás continuas rampas de subida e baixada, aptas para calquera persoa.

Parte na ponte de madeira no Parque do Eume (a Fraga), río arriba pola marxe esquerda. Ós 600m podemos contemplar unha antiga planta de luz e un pouco maís arriba encontramos unha área de lecer (ribeira nova). Atravesaremos a presa da Ribeira para continuar pola marxe dereita do embalse, onde nos adentraremos nunha fraga atlántica con boas vistas e inmellorables paisaxes, para contemplar unha pequena cascada no rego dos Porcos. Despois dunhas fermosas vistas do embalse, chegaremos á zona denominada o Chao do Habanero, onde observaremos un perfecto meandro e unha bifurcación do embalse.

Na zona de Vilarbó, lugar de campamentos de verán, deíxase de lado o embalse para adentrarnos no corazón das fragas do Lostegal, onde debemos enfrentarnos a unha subida pronunciada, con firme en mal estado. (Chegando ó alto do lostegal atoparémonos unha posible variante da ruta, con marcas azuis no seu percorrido). Continuando o noso camiño chegamos ó lugar da Meda, o cal accederemos mediante un paso estreito construido para evitar a saída e entrada dos animais. Levaremos de compañeiro ó parque eólico durante 1’5km, o cal abandonaremos para comezar o descenso cara o pobo. Xa dende o alto da carballeira podemos contemplar unha fantástica vista do pobo, do lago e da industrialización que ten esta vila. Sendeiro abaixo, chegamos ó barrio da Cuiña, no cal indícanos que estamos a 400m do remate desta andadura, o Parque do Eume.


Compartir

Datos da ruta

  • ANO HOMOLOGACIÓN:

    2011

  • PUNTO DE PARTIDA:

    Parque do Eume na Fraga

  • PUNTO DE CHEGADA:

    Parque do Eume na Fraga

  • LUGAR:

    Concello de As Pontes

  • ACCESOS:

    Dende Ferrol AG 64 – AC 861
    Dende Villalba AG64 – AC 861
    Dende Ortigueira AC 101
    Dende Pontedeume AC 564
    Dentro do casco urban e preciso chegar ó Parque da Fraga
    (Pavillón Polideportivo)

  • PUNTOS DE INTERÉS:

    O lago, Capela do Carme, Ponte dos Ferros, Ponte Isabel II, Area recreativa do Caneiro, Fervenzas de Somede, Fervenzas de Bermui, Ponte Romana.

  • MAIS INFO:

    Concello de As Pontes
    Parque Municipal S/N, 15320
    As Pontes
    Telf: 981 453 116
    Turismo As Pontes

    Club Montaña O Caxado
    Brixeo, Nº15, 15320
    As Pontes
    Telf: 681 365 713
    Club Montaña O Caxado

  • NOTA:

    Resaltar que a seguridade do sendeiro varía en función da época do ano e das condicións meteorolóxicas. Co chan mollado as superficies rocosas son moi resbaladizas, sendo necesario extremar as precaucións.

  • PRENSA ESCRITA:

    6 de Xullo de 2009 – “La Voz De Galicia”
    27 de Novembro de 2015 – “ABC”

  • MAPA VER MAPA
  • TRIPTICO VER TRIPTICO
  • PERFIL VER PERFIL